Breiðholtstíðindi segja frá roðagylltum FB og aðkomu okkar systra í Hóla og Fella kúbbi

roðagyllum

Soroptimistar eru alþjóðasamtök kvenna sem hafa það að meginmarkmiði að stuðla að bættri stöðu kvenna með alþjóðlegri vináttu og skilningi að leiðarljósi.

Soroptimistar á Íslandi ásamt Soroptimistum um allan heim  hafa tekið þátt í "Ákalli  framkvæmdarstjóra Sameinuðu  þjóðanna um að  roðagylla heiminn".

Átakið hófst 25. nóvember og því lýkur 10.desember á Mannréttindadegi Sameinuðu Þjóðanna.

Markmiðið er að efla vitundarvakningu gegn kynbundnu ofbeldi og stuðla að útrýmingu á ofbeldi gegn konum.

Víða á Íslandi eru byggingar lýstar upp með roðagyllingu (appelsínugulu)  á áðurnefndu tímabili og sömuleiðis sendiráð Íslands víða um heim.

Soroptimistaklúbbur Hóla og Fella í Breiðholti tekur þátt í þessu verkefni og    leitað var til skólameistara Fjölbrautaskólans í Breiðholti sem tók erindi klúbbsins mjög vel og er  skólinn nú lýstur upp  með roðagylltri lýsingu.

Fjölbrautarskólinn í Breiðholti roðagylltur

FB

Í kvöld tók skólameistari Fjölbrautaskólans í Breiðholti á móti okkur soroptimistasystrum sem skreyttum okkur appelsínugulu í stíl við roðagylltan skólann. Það er afar ánægjulegt hversu vel forsvarsmenn skólans tóku áskorun okkar um að lýsa upp skólann og bera nemendum og starfsfólki skólans fréttir af 16 daga átakinu.  Þau munu segja frá því á heimasíðu sinni, instagram og facebook. 

Roðagyllum heiminn - 16 daga átak

2020 25.11Dagana 25. nóvember til 10. desember beita alþjóðasamtök Soroptimista sér fyrir því að vekja athygli á ofbeldi gegn konum undir heitinu "Roðagyllum heiminn".

Það er aldrei mikilvægara en nú á tímum Covid-19 að vekja athygli á þessum málaflokki, verkefnið fellur vel að markmiðum Soroptimista og heimsmarkmiðum Sameinuðu þjóðanna en þar er meðal annars lögð áhersla á jafnrétti kynjanna, heilsu og vellíðan.          

Við systur í klúbbnum okkar berum merki okkar í barmi þessa daga. Við klæðumst roðagylltu til að minna á og vekja athygli á átakinu og við hugsum til þeirra sem búa við ofbeldi í umhverfi sínu.

Falleg kveðja til systra

Á klúbbfundi í kvöldi færði Sigurbjörg Á Heiðarsdóttir okkur þessa fallegu kveðju sem á einstaklega vel við núna á þessum óvenjulega tíma og vinir eru verðmætir.

Holtasóley

Umhyggjusöm ertu, vinaleg og góð
til þín vildi ég semja þennan óð
Þín gleði og hlátur alltaf mig gleður
Að heyra í þér, aldrei mig tefur

Sérstök, dugleg, traust og trú
Vitur, hjálpsöm ...., það ert þú
Hlý og bjartsýn, til í spjall
Þú getur stoppað hið mesta fall

Einstök, stríðin, líka feimin
Hugrökk, djörf, stundum dreymin
Allt jákvætt get ég sagt um þig
alltaf áttu tíma fyrir mig

Vináttan okkar er mér mikils virði
Vinkonur verið frá Hornafirði
eitthvað sérstakt höfum við átt
huggað hvor aðra, þegar eigum við bágt

Alltaf er gott að leita til þín
Þú ert besta vinkona mín
Þakka vil þér af öllu hjarta
Engu hef ég yfir að kvarta

Alltaf munt þú eiga mig að
Því í hjarta mínu áttu stað
Því ég lofa um eilífð alla
Ef einhvern tíma þarft´að kalla!

Katrín Ruth Þ.
1979 -

Skrítnir tímar

skrítinn fundurVið lifum svo sannarlega furðulega tíma. Ástandið er erfitt, þungt og tekur á okkur öll. Vegna Covid 19 hefur Hóla og Fella klúbburinn þurft að fella niður fundi eða halda fjarfundi. Það var því skrítin tilfinning þegar systur gátu loksins komið saman, setið með eins metra millibili til að virða fjarlægðarmörkin og engar veitingar í boði á fundinum. Upplifunin var einkennileg en mikið voru systur glaðar að hittast aðeins og eiga góða stund saman. Á fundinn kom dásamleg söngkona, Jóhanna Elísa Skúladóttir sem söng fyrir systur, bæði gömul og ný lög. Hér má sjá myndband af henni en hún tók einmitt þetta lag á þessum sögulega fundi.