Jólafundur á Hótel Laugarbakka

Vel heppnaður hátíðarfundur var haldinn 9. desember. Þar voru einnig teknar inn tvær nýjar systur. 

Soroptimistaklúbburinn Við Húnaflóa hélt jólafund að Hótel Laugarbakka þann 9. desember 2021. Jafnframt var á sama fundi fagnað 10 ára afmæli klúbbsins.

Í ljósi aðstæðna í samfélaginu hafði meirihluti fundarhalda ársins farið fram í gegnum vef. Það var því kærkomið fyrir að ná að halda þennan hátíðarfund í raunheimum.

Í viðbót við hefðbundin fundarstörf voru tvær nýjar systur teknar inn í klúbbinn. Þær eru Anna Margrét Arnardóttir grunnskólakennari og Katrín Líndal sjúkraliði og voru þær boðnar hjartanlega velkomnar.

Í lok dagskrár gerðu systur vel við sig og nutu jólahlaðborðs sem framreittt var af húsráðendum. Einnig var í boði skemmtidagskrá sem undirbúin var af skemmtinefnd klúbbsins.