Árlegt kvennagolfmóti Soroptimistaklúbbs Seltjarnarness var haldið á Nesvelli 17. ágúst 2023. Allur ágóði rann til Konukots. Fjölmörg fyrirtæki styrktu golfmótið með veglegum gjöfum. Við þökkum kærlega fyrir veittan stuðning. Golfmótið gekk ljómandi vel þrátt fyrir rysjótt veður.
Á árlegum fjölskyldudegi í náttúruperlunni Gróttu sér klúbburinn um kaffi- og vöfflusölu f.h. Seltjarnarnesbæjar.
Klúbburinn hefur veitt bæjarfélaginu aðstoð við viðburði á Seltjarnarnesi, s.s. á Menningarhátíð og á hreinsunardegi með umsjón kafffiveitinga.
Klúbburinn selur svuntur í litum Soroptimista, blár og gulur, og með merki samtakanna.
Frá árinu 2011 hefur Soroptimistaklúbbur Seltjarnarness haldið golfmót fyrir konur á Nesvelli
Skemmtifundur með happdrættissölu er haldinn í október í framhaldi af golfmótinu, þar sem umfram vinningar eru notaðir í fjáröflun. Systur koma með góða gesti. Hér að neðan eru myndir frá árinu 2017. Eygló Harðardóttir f.v. félags- og húsnæðismálaráðherra var fyrirlesari kvöldsins. Fjallaði Eygló um húsnæðismál Kvennaathvarfsins. Það verkefni "Á allra vörum" er nú aðalverkefni klúbbsins.
Helsta fjáröflun soroptimistaklúbbs Selltjarnarness hefur verið sala á ljóðabókinni Tilfinningar. Ingibjörg Bergsveinsdóttir tók saman óbirt ljóð eftir móður sína Guðrúnu Jóhannsdóttur frá Brautarholti á Kjalarnesi (1892-1970) og vann að útgáfu. Herra Sigurbjörn Einarsson biskup skrifaði formála. Soroptimistaklúbbur Seltjarnarness gaf bókina fyrst út á afmælisdegi Guðrúnar 21. júní 2002. Bókin er hugsuð sem handbók fyrir þá sem vilja tjá tilfinningar sínar í ræðu eða riti, jafnt á gleði- og sorgarstundum. Bókin hefur verið endurprentuð nokkrum sinnum og á árunum 2002 til 2011 voru 5000 eintök seld. Allur ágóði af sölu bókarinnar hefur runnið til styrktar verkefnum sem unnin eru í þágu einhverfra.
Ljóðabókin Tilfinningar fæst hjá Carla Magnússon og kostar 1000kr. Best er að senda skilaboð á
