Skip to main content
  • Heimsókn í Bessastaði

  • Önnur mynd

  • Þriðja mynd

    Vinkonukvöld - Roðagyllum heiminn

    Árlegt vinkonukvöld var haldið á Nauthóli mánudaginn 14. nóvember 2022. 

     01.jpg

    Ingrid Kuhlman formaður LÍFS - styrktarfélags kvennadeildar Landspítalans tók á móti styrk að upphæð kr 600.000 frá Soroptimistaklúbbi Seltjarnarness. Styrkurinn er ágóði af árlegu kvennagólfmóti á Nesvelli og veitingasölu á Bæjarhátíð Seltjarnarness. Sólveig Pálsdóttir formaður klúbbsins ræddi um 16 daga verkefni Soroptimista og fleiri samtaka sem stendur frá 25. nóvember til 10. desember og nefnist Roðagyllum heiminn, e. orange the world. Í ár verður lögð áhersla á fræðslu og forvarnir. Ingrid flutti skemmtilegt erindi sem hún nefndi Þrjár leiðir til þess að ná sér í maka. 

     02        

    Björn Kristinsson saxafónleikari (Bjössi sax) bæjarlistamaður Seltjarnarness 2021 lék nokkur djasslög. 

     09.jpg 

    Carla Magnússon de Jong gjaldkeri klúbbsins sá um söluvarninginn að venju.

     03 

     04a.jpg

    Degið var úr fjölda glæsilegra happdrættisvinninga. 

     04b.jpg   

     05.jpg

     06.jpg

     07.jpg  

     08

    Fjöldi gesta kom með systrum, sem margar hverjar klæddust appelsínugulu í tilefni komandi 16 daga átaks.

     

     

     

     

     

                                                   

     

     

     

    Styrktargolfmót

    golfmót

    „Heimskona gerist sveitakona“

    „Heimskona gerist sveitakona“ nefndist fróðlegt erindi Kristrúnar Heimisdóttur lögfræðings og heimspekings um Önnu Bjarnadóttur (1897– 1994), sem var amma hennar. Steinunn Einarsdóttir klúbbsystir á Seltjarnarnesi er dóttir Önnu. Titill erindisins er sóttur í orð Önnu um ævi sína.  

    Anna_Bj.jpg     Anna Bjarnadóttir myndir                                                                                                                                 

    Anna Bjarnadóttir var brautryðjandi og frumkvöðull í námi, kennslu og kvenrnréttindabaráttu. Hún var ein af fáum konum sem í byrjun síðustu aldar gekk menntaveginn. Anna var meðal fyrstu kvenna sem lauk stúdentsprófi og síðar háskólanámi.

    Anna Bjarnadóttir útskrifaðist sem stúdent frá Menntaskólanum í Reykjavík árið 1916. Næstu þrjú árin stundaði hún nám í norrænum fræðum við Háskóla Íslands og vann á sama tíma við orðabók Sigfúsar Blöndal. Anna silgdi strax eftir lok heimsstyrjaldarinnar fyrri til Englands og lauk háskólaprófi frá Westfield College í London árið 1922. Í Englandi tók hún virkan þátt í Alþjóðasamtökum háskólakvenna sem trúðu á mikilvægi menntaðra kvenna við að koma á friði meðal þjóða. Heim komin hélt hún háskólafyrirlestra, sex í röð um William Shakespeare. Hún var meðal stofnenda Félags íslenskra háskólakvenna síðar Kvenstúdentafélags Íslands árið 1928. 

    Continue reading

    Aldarafmæli/Gjöf til Kvennaathvarfs

    Klúbbsystur á Seltjarnarnesi gróðursettu nýlega tré af tegundinni Sitkaölur framan við hjúkrunarheimilið Seltjörn. Tilefnið var aldarafmæli alheimshreyfingar Soroptimista 19. júní 2021.

    Við sama tækifæri afhentu klúbbsystur Sigþrúði Guðmundsdóttur framkvæmdastýru Kvennaathvarfsins tvær milljónir króna til kaupa á sófum fyrir nýtt áfangaheimili fyrir konur og börn sem þurfa að flýja ofbeldi.

     

         

         

     

     

     

     

    Herdís 2021 á Hönnunarmars

    Herdís Tómasdóttir systir í Seltjarnarnesklúbbi tekur þátt í samsýningu meðlima Textílfélagsins, Textíl Rit á Hönnunarmars, þar sem þátttakendur velta fyrir sér gerð og hlutverki bóka út frá textíl. Sýningin er á Hafnartorgi.

     

    Herdís            Herdís6

     

    Herdís3     Herdís4 

            

     

     

    Soroptimistar roðagylla heiminn

    Dagana 25. nóvember til 10. desember stóðu Alþjóðasamtök Soroptimista, ásamt fjölda annarra félagasamtaka, fyrir sextán daga átaki á heimsvísu sem nefnist „Orange the world“. Markmiðið er að vekja athygli á ofbeldi gegn konum undir heitinu „Roðagyllum heiminn“. Liturinn táknar bjartari framtíð án ofbeldis.

    Í ár beindist átakið að áhrifum kóvít-19 á kynbundið ofbeldi. Í kjölfar heimsfaraldursins hefur orðið mikil aukning á ofbeldi gegn konum og stúlkum hér á landi og erlendis og þá sérstaklega heimilisofbeldi.

    Systur á Seltjarnarnesi voru hvattar til þess að vekja athygli á þessu 16 daga átaki með því að roðagylla Facebook-síður sínar. Auk þess var lagt til að Seltjarnarneskirkja og Gróttuviti væru roðagyllt. Vegna slæms veðurs gengu þau áform ekki eftir að þessu sinni. 

    Soroptimistar á Seltjarnarnesi sýna stuðning sinn í verki með því að styrkja húsbyggingu fyrir kvennaathvarfið. Það er um þessar mundir aðal verkefni klúbbsins.