Sólveig Pálsdóttir systir í Soroptimistaklúbbi Seltjarnarness var valin bæjarlistamaður Seltjarnarness 2019. Seltjarnarnesklúbburinn er stoltur af sinni systur og óskar henni til hamingju með heiðurinn.

Klúbburinn hefur stutt ýmis verkefni á Seltjarnarnesi. Þar má helst nefna:

• Kaup á kirkjuklukku við byggingu Seltjarnarneskirkju
• Húsgagnakaup í sameiginlegt rými í húsum aldraðra við Skólabraut
• Verðlaun (orðabók) fyrir góða frammistöðu í ensku í 10. bekk Valhúsaskóla
• Íþróttastyrkur til barna á Seltjarnarnesi
• Lesið fyrir hundinn. Verkefni á vegum félagasamtakanna VIGDÍS (Vinir gæludýra á Íslandi). Styrkur til heimasíðugerðar
• Sjálfstyrkingarnámskeið fyrir stúlkur í 7. bekk Valhúsaskóla

Soroptimistakúbbur Seltjarnarnes hefur stutt ýmis önnur verkefni.

• Styrkjum Lífskraft, hóp kvenna sem þveraði Vatnajökull í þeim tilgangi að safna áheitum fyrir félögin Kraft og Líf
• Þátttöku í alþjóðlegum styrktarverkefnum svo sem vatnsverkefni og ljósmæðrabúnaði
• Bræður í Uganda voru styrktir til náms

Klúbburinn hefur stutt ýmis vekefni í þeim tilgangi að styrkja konur til sjálfshjálpar.

• Samtökin Gæfuspor voru styrkt til að fjámagna námskeið fyrir konur sem hafa búið við ofbeldi. Markmiðið var að hjálpa þeim til að koma undir sig fótunum á nýjan leik
• „Á allra vörum“ er verkefni sem Kvennaathvarfið hefur stofnað utan um sextán íbúðir sem ætlunin er að byggja. Eygló Harðardóttir, fyrrverandi félags- og húsnæðismálaráðherra hefur verið ráðinn verkefnisstjóri. Húsnæðið er ætlað konum sem hafa verið í ofbeldissamböndum. Lögð er áhersla á að skapa heimili fyrir konur og börn en einnig verður lögð áhersla á að tryggja öryggi kvennanna.
• Líf styrktarfélag fékk skjá í móttöku Kvennadeildar Landspítala 
• Kvenskoðunarstóll var gefinn á Neyðarmóttöku Borgarspítalans

Styrkur afhentur Líf styrktarfélagi 2015                       Eygló Harðardóttir

Soroptimisstakúbbur Seltjarnarness hefur lagt þunga áherslu á að styrkja einhverfa og fatlaða. Helstu verkefnin í þeim málaflokki eru:

• Sex vikna námskeið var haldið í samstarfi við Greiningarstöð ríkisins fyrir foreldra barna sem voru nýgreind með einhverfu. Árið 2007 höfðu 12 hópar og tæplega 100 foreldrar tekið þátt í verkefninu.
• Heitur pottur við sambýli í einhverfra í Þorláksgeisla
• Sumardvöl fyrir fötluð börn í Reykjadal 
• Gerð uppýsinga- og fræðslusíðu Barna- og unglingageðdeildar (BUGL), aðgengileg fyrir foreldra var styrkt með fjárframlögum
• Hringsjá Náms- og starfsendurhæfing studd með tölvukaupum

Styrkur afhentur BUGL 2015

Á árlegum fjölskyldudegi í náttúruperlunni Gróttu sér klúbburinn um kaffi- og vöfflusölu f.h. Seltjarnarnesbæjar.

Klúbburinn hefur veitt bæjarfélaginu aðstoð við viðburði á Seltjarnarnesi, s.s. á Menningarhátíð og  á hreinsunardegi með umsjón kafffiveitinga.

Klúbburinn selur svuntur í litum Soroptimista, blár og gulur, og með merki samtakanna.