Skip to main content
  • Heimsókn í Bessastaði

  • Önnur mynd

  • Þriðja mynd

    Golfmót á Nesvelli

    Golfmót 2018 systur

    Frá árinu 2011 hefur Soroptimistaklúbbur Seltjarnarness haldið golfmót fyrir konur á Nesvelli

     Golf      Golfmót 2018 ræs   Golf verðlaun

    Golfmot 2018 veitingar1   Golf1   Golf3

     

    Golfmót1     Golf2

     

    Skemmtifundur með happdrættissölu er haldinn í október í framhaldi af golfmótinu, þar sem umfram vinningar eru notaðir í fjáröflun. Systur koma með góða gesti. Hér að neðan eru myndir frá árinu 2017. Eygló Harðardóttir f.v. félags- og húsnæðismálaráðherra var fyrirlesari kvöldsins. Fjallaði Eygló um húsnæðismál Kvennaathvarfsins. Það verkefni "Á allra vörum" er nú aðalverkefni klúbbsins.

     Vinkvennakvöld1    Vinkvennakvöld2   Vinkvennakvöld3    

     

     Vinkvennakvöld5    Vinkvennakvöld6    Vinkonukvöld 2016

     

    Tilfinningar ljóðabók

    Helsta fjáröflun soroptimistaklúbbs Selltjarnarness hefur verið sala á ljóðabókinni Tilfinningar. Ingibjörg Bergsveinsdóttir tók saman óbirt ljóð eftir móður sína Guðrúnu Jóhannsdóttur frá Brautarholti á Kjalarnesi (1892-1970) og vann að útgáfu. Herra Sigurbjörn Einarsson biskup skrifaði formála. Soroptimistaklúbbur Seltjarnarness gaf bókina fyrst út á afmælisdegi Guðrúnar 21. júní 2002. Bókin er hugsuð sem handbók fyrir þá sem vilja tjá tilfinningar sínar í ræðu eða riti, jafnt á gleði- og sorgarstundum. Bókin hefur verið endurprentuð nokkrum sinnum og á árunum 2002 til 2011 voru 5000 eintök seld. Allur ágóði af sölu bókarinnar hefur runnið til styrktar verkefnum sem unnin eru í þágu einhverfra.

    Tilfinningar  

    Ljóðabókin Tilfinningar fæst hjá Carla Magnússon og kostar 1000kr. Best er að senda skilaboð á This email address is being protected from spambots. You need JavaScript enabled to view it.  

    Ingibjörg Bergsveinsdóttir

    Bessastaðir6 copy

    Ingibjörg Bergsveinsdóttir við hlið forseta Íslands í heimsókn klúbbsins að Bessastöðum 13. október 2017

    GDE16C30T1

    Ingibjörg Bergsveinsdóttir fæddist 4. ágúst 1933 og andaðist 21. febrúar 2021. Sólveig Pálsdóttir ritaði minningarorðin.

    Í dag kveðjum við Ingibjörgu Bergsveinsdóttur stofn- og heiðursfélaga Soroptimistaklúbbs Seltjarnarness. Konu sem lét að sér kveða hvar sem hún kom. Hún bjó að fjölþættri reynslu eftir að hafa meðal annars rekið fyrirtæki, ritstýrt blaði, starfað að sveitastjórnarmálum og alið upp börn. Ingibjörg var einstaklega lífleg og skemmtileg kona, bráðgáfuð og félagslynd. Hún var alltaf til í allt og kunni að gera lífið skemmtilegt. Ég minnist þess þegar við nokkrar tróðum upp með heimatilbúið skemmtiatriði á sameiginlegum klúbbafundi. Þetta var frumsaminn dans og Ingibjörg sem þá var komin um áttrætt dansaði af hjartans lyst og húmor, klædd svörtum pífukjól með fjaðraskraut á höfði. Hún var nefnilega búin þeim kostum sem oftar en ekki einkenna sterka persónuleika að hafa ríka sjálfsvirðingu án þess að taka sjálfa sig of hátíðlega.
    Ingibjörg var hugmyndarík og alltaf að velta fyrir sér nýjum tækifærum í lífi og starfi. Klúbburinn okkar naut svo sannarlega góðs af hæfileikum hennar. Soroptimistar eru alþjóðleg samtök sem vinna að bættu samfélagi, jafnrétti, framförum og friði. Til góðra verka þarf að afla fjár og þá reynir á frumleika og kraft. Á fyrstu árum klúbbsins hafði Ingibjörg frumkvæði að verkefnum sem voru til góða bæjarfélaginu okkar, eins og kaup á húsgögnum í sameiginleg rými í húsi aldraða við Skólabraut og kaup á kirkjuklukku.
    En stærsta fjármögnunarverkefni Ingibjargar er ljóðabókin fallega Tilfinningar sem kom út árið 2002. Ingibjörg valdi úrval ljóða eftir móður sína Guðrúnu Jóhannsdóttur og bjó til prentunar. Formálann skrifaði Sigurbjörn Einarsson biskup. Í aðfaraorðum bókarinnar segir Ingibjörg að hún sé „hugsuð sem handbók fyrir þá sem vilja koma tilfinningum sínum á framfæri jafnt á gleði og sorgarstundum“. Tilfinningar hefur verið vinsæl og er til á mörgum heimilum en allur ágóði sölunnar rennur til verkefnis í þágu einhverfra.
    Hin síðustu ár hefur árlegt golfmót verið aðalfjáröflun Soroptimistaklúbbs Seltjarnarness. Hugmyndin var alfarið Ingibjargar en þegar þarna var komið var hún farin að finna fyrir sjúkdóminum sem lék hana svo illa hin síðustu ár og kom því framkvæmdinni í öruggar hendur annarrar systur.
    Síðustu árin voru Ingibjörgu erfið og það var þungbært að sjá þessa kláru konu hverfa inn í Alzheimerheiminn. Við Soroptimistasystur vottum Magnúsi, börnum, tengdabörnum og barnabörnum þeirra, okkar dýpstu samúð. Blessuð sé minning Ingibjargar.

    Þóra C. Óskarsdóttir

    Þóra

    Þóra C. Óskarsdóttir fæddist í Reykjavík 24. apríl 1940 og lést á Landspítala Fossvogi þann 26. janúar 2019. Þóra gekk í Soroptimistaklúbb Seltjarnarness árið 1983. Hún gegndi þar ýmsum embættum, s.s. gjaldkeri klúbbsins tvö kjörtímabil og ritari Landssambandsins 1988-1990. 

    Þóra lauk stúdentsprófi frá Menntaskólanum í Reykjavík og BA-prófi í bókasafns- og sagnfræði frá Háskóla Íslands. Hún starfaði sem bókavörður á Landsbókasafni Íslands, skólasafnvörður í Valhúsaskóla, aðstoðarbókafulltrúi í menntamálaráðuneytinu, bókafulltrúi ríkisins  og sérfræðingur í menntamálaráðuneytinu. Í lok starfsævinnar starfaði Þóra á Landsbókasafni Íslands við ýmis sérverkefni. 

     

       Þóra1