Soroptimistaklúbbur Akureyrar var stofnaður 13. febrúar 1982. Fundað er þriðja þriðjudag í hverjum mánuði á mismunandi stöðum.

Haustið 2020 eru 38 systur í klúbbnum og Ragnheiður Björk Þórsdóttir er formaður.

Soroptimistaklúbbur Austurlands var stofnaður í september 2003.  Fundað er fyrsta miðvikudag í hverjum mánuði, oftast í Kirkjumiðstöðinni á Eiðum.  Á aðalfundi í október 2021 eru 28 konur í klúbbnum.

Formaður er Kristjana Björnsdóttir.

Soroptimistaklúbbur Árbæjar var stofnaður 18. október 1980. Fundað er annan mánudag í hverjum mánuði í safnaðarheimili Árbæjarkirkju. Í dag eru 43 konur í klúbbnum. Formaður er Valborg Huld Elísdóttir. 

Soroptimistaklúbbur Bakka og Selja var stofnaður 18. október 1980. Klúbburinn fundar annan miðvikudag í mánuði, að jafnaði í Kirkjumiðstöð Seljasóknar. Haustið 2018 eru 46 konur í klúbbnum og núverandi formaður er Jóhanna Friðriksdóttir.

Soroptimistaklúbbur Grafarvogs var stofnaður 3. september 1994.  Fyrsti formaður var Sigríður Ingvarsdóttir og er hún enn í klúbbnum.

Klúbburinn heldur mánaðarlega fundi annan mánudag í mánuði kl. 18:30 í Borgum í Grafarvogi.

Soroptimistaklúbbur Hafnarfjarðar og Garðabæjar var stofnaður 26. maí 1973 og er hann næst elsti klúbbur landsins. Í klúbbnum eru rúmlega 40 konur úr fjölmörgum starfsstéttum. Fundir eru haldnir einu sinni í mánuði. 

Soroptimistaklúbbur Hóla-og Fella var stofnaður  í september árið 1982. Stofnmeðlimir voru tæplega 20 konur sem komu úr ýmsum starfsgreinum. Við fundum yfirleitt í kirkjunni okkar.

Soroptimistaklúbbur Húsavíkur og nágrennis var stofnaður 4. júní 1983.  Fundartími er  þriðja miðvikudag í mánuði, kl. 19:00 og oftast haldnir í Bjarnahúsi. Klúbbsystur eru 24. Kristrún Sigtryggsdóttir er formaður.

Soroptimistaklúbbur Keflavíkur var stofnaður 5. júní árið 1975. Í klúbbnum eru 45 systur sem gerir hann einn af stærstu klúbbum landsins. Mikil fjölgun ungra kvenna hefur verið í klúbbnum á undanförnum árum, en að auki eru þrír stofnfélagar enn í klúbbnum. Heiðursfélagar eru þrjár systur.

Kópavogsklúbbur var stofnaður 4. júní 1975. Fyrsti formaður var Þorbjörg Kristinsdóttir.  Heiðursfélagar eru 4, Þorbjörg Kristinsdóttir, Hildur Hálfdanardóttir, Sigurborg Einarsdóttir og Margrét Árnadóttir.

Í dag eru í klúbbnum 47 konur og eru fundir haldnir annan mánudag í mánuði.

Soroptimistaklúbbur Mosfellssveitar var stofnaður 25. september 1977. Stofnskrá afhenti Eva Skaarberg, gjaldkeri SI/E.

Stofnfélagar voru 21 og fyrsti formaður var Þórey Guðmundsdóttir. Í dag eru 32 konur í klúbbnum. 

Soroptimistaklúbbur Reykjavíkur er elstur Soroptimistaklúbba á Íslandi, stofnaður 19. september 1959.

Formaður klúbbsins er Sigrún Þorgeirsdóttir

Netfang klúbbsins: This email address is being protected from spambots. You need JavaScript enabled to view it.

Soroptimistaklúbbur Seltjarnarness var stofnaður árið 1977. Í byrjun árs 2019 eru klúbbsystur 36 talsins. Formaður er Sólveig Pálsdóttir . Heiðursfélagi er Ingibjörg Bergsveinsdóttir. Að jafnaði er fundað annan mánudag hvers mánaðar.

Soroptimistaklúbbur Skagafjarðar var stofnaður í maí 1989. Fundað er fyrsta fimmtudag í hverjum mánuði á mismunandi stöðum. Haustið 2022 eru 22 systur í klúbbnum og er Lilja Gunnlaugsdóttir formaður.

Soroptimistaklúbbur Tröllaskaga var stofnaður formlega 17. október 2015.

Starfssvæði klúbbsins er Fjallabyggð og Dalvíkurbyggð.

Fundarstaður er til skiptis á Dalvík, Ólafsfirði og Siglufirði Fundað fyrsta mánudag í mánuði og hefjast fundir kl 19:00.

Formaður er Ida Marguerite Semey.

Soroptimistaklúbburinn við Húnaflóa var stofnaður 5. nóvember 2011 að Reykjum í Hrútafirði. Starfsvæði klúbbsins er við Húnaflóa eða Húnavatnssýslur og Bæjarhreppur hinn forni. Formaður klúbbsins er Helga Hreiðarsdóttir. Fjöldi klúbbsystra eru 23 í lok árs 2018.