Klúbbsystur hafa tekið þátt í messuþjónustu Seltjarnarneskirkju. Meðfylgjandi myndir eru frá 14. janúar 2018. Margrét Jónsdóttir og Guðbjörg R. Jónsdóttir lásu úr Ritningunni og Ásrún Kristjánsdóttir formaður fræddi kirkjugesti um Soroptimistahreyfinguna og helstu verkefni klúbsssystra á Seltjarnarnesi. Að lokinni messu buðu systur upp á glæsilegar veitingar í safnaðarheimilinu.

Sunnudaginn 6. maí 2018 var listahátíð á Seltjarnarnesi opnuð í Seltjarnarneskirkju. Þar voru sýnd og kynnt verk þeirra soroptimistasystra Herdísar Tómasdóttur veflistakonu og Ingunnar Benediktsdóttur glerlistakonu. Rakel Pétursdóttir safnafræðingur hélt erindi um verk Herdísar og veitti kirkjugestum innsýn í þau. Gunnlaugur A. Jónsson formaður listahátíðarnefndar prédikaði út frá yfirskrift hátíðarinnar "Kenn oss að telja daga vora..." . Textinn er úr 90. Davíðssálmi sem íslenski þjóðsöngurinn var ortur út af.

Í tilefni 40 ára afmælis Soroptimistaklúbbs Seltjarnarness bauð forseti Íslands Hr. Guðni Th. Jóhannesson í heimsókn til Bessastaða 13. október 2017.

Þann 14. febúar 2019 hélt klúbburinn fund í félagsmiðstöðinni Borgum í Spönginni í boði systra í Soroptimistaklúbbi Grafarvogs. Ásdís Þórðardóttir, formaður setti fundinn. Petrína Ó. Þorsteinsdóttir (Seltjn) guðmóðir Grafarvogsklúbbsins kveikti á kertum. Margrét Guðjónsdóttir varaformaður Seltjarnarnessklúbbsins þakkaði Grafarvogssystrum boðið og færði þeim listilega ofinn dúk í litum soroptimista eftir Ásrúnu Kristjánsdóttur f.v. formann Seltjarnarnessklúbbs. Margrét kveikti á kerti í minningu Þóru Óskarsdóttur, systur okkar, sem lést 26. janúar 2019.

Þann 14. janúar sl. var fundur haldinn í Veröld - Húsi Vigdísar. Valgerður Jónasdóttir viðburðastjóri sá um leiðsögn sem hófst í Vigdísarstofu þar sem hægt er að fræðast um Vigdísi forseta, störf hennar og hugðarefni. Á fundinum voru fjórar nýjar systur teknar inn í klúbbinn, þær Svetlana Björg Kostic (Ceca) launaráðgjafi, Steinunn Ásmundsdóttir ferðafræðingur, Halldóra Ásgeirsdóttir forvörður og Svanfríður Franklínsdóttir skjalastjóri.

Fleiri nýjar systur:

Hulda Bryndís Sverrisdóttir safnafræðingur og Ólöf Þórarinsdóttir forstöðumaður voru teknar inn 14. febrúar 2017.

Sigurbjörg Hulda Guðjónsdóttir fótaaðgerðafræðingur gekk í klúbbinn 11. mars 2019

Þann 2. febrúar 2019 var hjúkrunarheimilið Seltjörn vígt við hátíðlega athöfn. Öll aðstaða þar er eins og best verður á kosið. Svandís Svavarsdóttir heilbrigðisráðherra og Ásgerður Halldórsdóttir bæjarstjóri á Seltjarnarnesi klipptu á borðann. Soroptimistar á Seltjarnarnesi báru fram kaffiveitingar sem voru í boði Veislunnar.

Þau gáfu til hjúkrunarheimilisins Seltjarnar                 Þau hlutu verðlaun fyrir nafngift

Umsjón veitinga                                      Sr. Bjarni Þór Bjarnason blessar hjúkurnaheimilið