Á klúbbfundi í kvöldi færði Sigurbjörg Á Heiðarsdóttir okkur þessa fallegu kveðju sem á einstaklega vel við núna á þessum óvenjulega tíma og vinir eru verðmætir.

Umhyggjusöm ertu, vinaleg og góð
til þín vildi ég semja þennan óð
Þín gleði og hlátur alltaf mig gleður
Að heyra í þér, aldrei mig tefur

Sérstök, dugleg, traust og trú
Vitur, hjálpsöm ...., það ert þú
Hlý og bjartsýn, til í spjall
Þú getur stoppað hið mesta fall

Einstök, stríðin, líka feimin
Hugrökk, djörf, stundum dreymin
Allt jákvætt get ég sagt um þig
alltaf áttu tíma fyrir mig

Vináttan okkar er mér mikils virði
Vinkonur verið frá Hornafirði
eitthvað sérstakt höfum við átt
huggað hvor aðra, þegar eigum við bágt

Alltaf er gott að leita til þín
Þú ert besta vinkona mín
Þakka vil þér af öllu hjarta
Engu hef ég yfir að kvarta

Alltaf munt þú eiga mig að
Því í hjarta mínu áttu stað
Því ég lofa um eilífð alla
Ef einhvern tíma þarft´að kalla!

Katrín Ruth Þ.
1979 -

Við lifum svo sannarlega furðulega tíma. Ástandið er erfitt, þungt og tekur á okkur öll. Vegna Covid 19 hefur Hóla og Fella klúbburinn þurft að fella niður fundi eða halda fjarfundi. Það var því skrítin tilfinning þegar systur gátu loksins komið saman, setið með eins metra millibili til að virða fjarlægðarmörkin og engar veitingar í boði á fundinum. Upplifunin var einkennileg en mikið voru systur glaðar að hittast aðeins og eiga góða stund saman. Á fundinn kom dásamleg söngkona, Jóhanna Elísa Skúladóttir sem söng fyrir systur, bæði gömul og ný lög. Hér má sjá myndband af henni en hún tók einmitt þetta lag á þessum sögulega fundi.  

• Haust og vor til nemanda Fjölbrautarskólans í Breiðholti sem hlotið hefur hæstu einkunn í skólanum.
• Styrkur til kirkjunnar sem úthlutar honum  til fátækra fjölskyldna í Breiðholti
• Styrkur til Sigurhæða
• Bókin "Fyrstu 1000 dagar barnsins" sem afhent verður konum  í fyrstu mæðraskoðun á heilsugæslustöðinni Efra Breiðholti

Hluti fjárölflunarnefndar heimsótti Mærðastyrksnefnd í gær og færði þeim að gjöf 10 dúkkur og dúkkuföt. Okkur var óskaplega vel fagnað og við fundum fyrir miklu þakklæti. Einstaklega ánægjuleg styrkveiting og gott að horfa á eftir dúkkufötunum okkar fá það fallega hlutverk að verða jólagjöf.